Færsluflokkur: Bloggar

Óþolandi sætabrauðsdrengur

Ætli refurinn nái honum á endanum? Vonum það.
mbl.is „Ætli ég taki þetta ekki í stafrófsröð“
Tilkynna um óviðeigandi tengingu við frétt

Heitir að prenta peninga

Þetta veit ekki á gott, enda á það sér fordæmi í Weimar og Zimbabwe.
mbl.is 600 milljarðar dala í bandaríska hagkerfið
Tilkynna um óviðeigandi tengingu við frétt

Sjálfsdýrkun gott mál

Skemmtileg frétt, en það er nokkuð við hana að athuga. Málið er sett upp þannig að tilraunir til að efla sjálfsvirðingu barna hafi "gengið út í öfgar" og þau séu því að alast upp sem sjálfsdýrkendur. Hér er gert ráð fyrir því að tilraunir til að efla sjálfsmat barna veldi því raunverulega að sjálfsmat þeirra hækkar.

En hvað er sjálfsmat, og hvers vegna skiptir máli að börn hafi hátt sjálfsmat? Er virkilega verið, í þessum skólum, að efla það? Ég tel að svo sé ekki. Það er ekki verið að kenna börnunum að bera virðingu fyrir sjálfum sér. Það er ekki verið að kenna þeim að verðskulda eigin virðingu. Það sem raunverulega er verið að kenna þeim er öllu hræðilegra: að sjálfsvirðing sé orsakalaus, eða jafvel verra, að sjálfsvirðingu fái maður af mati annarra á manni.

Það er því ekki verið að kenna börnunum að vera sjálfsdýrkendur, heldur að vera dýrkendur álits annarra á sér. Það væri óskandi ef þeim væri hins vegar kennd sjálfsdýrkun. Þ.e.a.s. að bera nægilega virðingu fyrir sjálfum sér til þess að ganga raunverulega vel í skólanum, hirða vel um líkama sinn, og temja sér kurteisi.


mbl.is Varar við sjálfsdýrkun
Tilkynna um óviðeigandi tengingu við frétt

Stefnir í stórslys

Nú stöndum við andspænis því að ókjörin minnihlutastjórn ætli sér að breyta stjórnarskránni sjálfri. Hvers á stjórnarskráin að gjalda? Hefur hún ekki reynst okkur ágætlega undanfarin 60 árin eða svo?

Það er engin ástæða fyrir því að breyta stjórnarskránni þegar illa gengur í peningamálum. Það sem þarf er að laga peningamálin, auðvitað! Breyta því sem hefur siglt okkur í strand fjárhagslega, sem eru auðvitað lög um banka og fjármálastofnanir, lög um gjaldmiðil Íslands og og lög um Seðlabanka. T.a.m. birti Andríki (andriki.is) heilsíðuauglýsingu í blöðunum um daginn þar sem listaðar voru reglugerðir sem gilda á fjármálamarkaðnum. Væri ekki fyrsta verk að endurskoða eitthvað af þeim reglugerðafrumskógi áður en vaðið er í að breyta sjálfri stjórnarskránni?

Arrêtez! Laissez faire, maintenant!


mbl.is Undirbúa stjórnlagafrumvarp
Tilkynna um óviðeigandi tengingu við frétt

Leggja bankann niður

Betur má ef duga skal. Það hefur ekkert að segja að setja "faglega" stjórn í Seðlabankann. Það að stjórn Seðlabankans geti stýrt peningakerfinu með farsæld er byggt á misskilningi og galdratrú. Það skiptir engu máli hver reynir við framkvæmd hins ómögulega, það er jafn ómögulegt eftir sem áður.

Nei, fyrsta skrefið í veruleikavæðingu Íslenska hagkerfisins er að leggja niður Seðlabankann og taka upp alvöru alþjóðlega peninga á Íslandi. Ég endurtek:

Lög um seðlabanka nr. 36/2001 falli úr gildi, svo og lög nr 22/1968 um gjaldmiðil Íslands. Útgáfa seðla og myntar verði frjáls einstaklingum og fyrirtækjum, og skulu útgefnir seðlar vera innleysanlegir fyrir staðgreiðslu í auglýstu magni alþjóðlegs gjaldmiðils svo sem Bandaríkjadals, Evru, gulls, silfurs eða annars málms hjá útgefanda. Íslenzka ríkinu og stofnunum þess verði með öllu óheimil útgáfa peninga og/eða skuldabréfa.


mbl.is Seðlabankafrumvarp lagt fram
Tilkynna um óviðeigandi tengingu við frétt

Opnum það upp á gátt

Það gæti vel farið svo, fyrst afturhaldsseggirnir eru nú að loka hagkerfinu aftur, að það  verði samdráttur ár eftir ár, eins og á haftaárum áður fyrr. Vilja Íslendingar virkilega sitja inni í lokuðu hagkerfi þar sem krónan er höfð upp á punt?

Nei, grundvallarbreytinga er þörf. Breytinga sem skipta út leikreglunum og opna hagkerfið upp á gátt. Því legg ég til eftirfarandi.

1. Lög um seðlabanka nr. 36/2001 falli úr gildi, svo og lög nr 22/1968 um gjaldmiðil Íslands. Útgáfa seðla og myntar verði frjáls einstaklingum og fyrirtækjum, og skulu útgefnir seðlar vera innleysanlegir fyrir staðgreiðslu í auglýstu magni alþjóðlegs gjaldmiðils svo sem Bandaríkjadals, Evru, gulls, silfurs eða annars málms hjá útgefanda.

2. Íslenzka ríkinu og stofnunum þess verði með öllu óheimil útgáfa peninga og/eða skuldabréfa.

3. Alþingi verði óheimilt að setja lög um verð á vöru og þjónustu, laun starfsmanna annarra en ríkisins, og vexti á inn- og útlánum.

4. Lög nr. 98/1999 um tryggingasjóð innlána og fjárfesta falli úr gildi. Íslenzka ríkinu og stofnunum þess verði óheimilt að tryggja innlán eða fjárfestingar, jafnt á Íslandi sem erlendis.

5. Ríkisbankarnir verð seldir einkaaðilum sem fyrst. Höftum við rekstri erlendra banka á Íslandi verði lyft.

6. Inn- og útflutningstollar verði lagðir niður og embætti tollstjóra lagt af.


Við getum gert þetta, en það er ólíklegt að sitjandi flokkspólitíkusar geri það sem gera þurfi.
mbl.is Gera of mikið úr vandanum
Tilkynna um óviðeigandi tengingu við frétt

Börn að vopni

Það er svolítið merkilegur fréttaflutningur af ástandinu á Gaza-svæðinu. Alltaf eru sýnd börn, og alltaf minnst á að það séu börn sem eru að deyja í þessu stríði. Hvað halda menn? Að í styrjöldum þjáist aðeins fullorðnir? Og hverjum er þetta allt að kenna? Mig langar að koma með tillögu til Hamas. Í stað þess að skjóta eldflaugum hlöðnum sprengiefni að Ísrael, skulu þeir einfaldlega tjóðra börnin við raketturnar og skjóta þeim í staðinn. Það væri í raun sami verknaðurinn.
mbl.is Samið um ályktunardrög
Tilkynna um óviðeigandi tengingu við frétt

"Mótmælendur"

Það er móðgun við mótmælendur að kalla þetta hyski mótmælendur. Þetta eru bara skemmdarvargar og ófriðarseggir. Eflaust sama fólkið og væri annars að henda flugeldum inn í sjoppur og sprengja strætóskýli á venjulegri áramótum.


mbl.is Fólk slasað eftir mótmæli
Tilkynna um óviðeigandi tengingu við frétt

Orðin innantóm

Ingibjörg gerir það sem pólitíkusar gera best; leggur hendur sínar yfir augu og eyru og blaðrar út í eitt að öll dýrin í skóginum eigi nú að vera vinir. Eru þá lagðar til frekari "friðarviðræður", því það er næsta víst að það sem hefur skilað engum árangri síðustu 30 árin hljóti að virka í þetta skiptið af því að Ingibjörg segir það.

Nei, það eina sem dugar er að vinna hug og hjörtu Hamas-liða. Það er að segja, að fylla hjörtu þeirra örvæntingu yfir vonleysi málsstaðar síns, og huga þeirra sannfæringu um sína eigin tortímingu ef þeir láta ekki af honum. Þá fyrst er friðarvon. En á meðan þessi samtök dauðadýrkenda sjá draum sinn innan seilingar, um að reka Ísrael og vestræna siðmenningu út í sjóinn, þá munu þeir elta hann.

Ég óska ykkur öllum friðar og góðvildar á nýju ári.


mbl.is Utanríkisráðherra hvetur til friðarviðræðna
Tilkynna um óviðeigandi tengingu við frétt

Á hinn bóginn...

...væri réttara að segja að bandaríkjadalur hafi lækkað í dag. Allir gjaldmiðlar (þar á meðal gull og silfur) tóku hástökk gagnvart dalnum um hádegi að staðartíma.

Það eru tvær hliðar á hverjum peningi.


mbl.is Hækkun á Wall Street
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband